Etxean egotea beste aukerarik ez dagoen egunotan ikastetxera joan gabe etxetik eskolei jarraipena nola eman trebatzen ari dira bai ikastetxeak bai familiak.

Txikienen kasuan eskulanak egiten, errezeta berriak lantzen edo irudimena erabilita sortutako askotariko jardueratan edo entretenimendutan dabiltza. Zaharragoak, aldiz, irakasgaiekin ahal bezala jarraitzeko ahaleginean ari dira. Kasu askotan beharrezkoa dute gurasoen gainbegiratzea, adinaren arabera, bereziki.

Asko eta asko lehen bideo bidezko eskolak jasotzen ari dira. Google Drive, Moodle eta Classroom moduko erreminta digitalak, esaterako, lehen mailakoak bilakatu dira.

Egoera berezia eta berria da denontzat, eta aukera handiak eskaintzen dituen moduan arazo iturri ere bada. Ez, ikasle guztiek ez dute etxetik ikasteko aukera izenburupeko artikuluan plazaratzen ditu hainbat Mikel Garcia Idiazquez-ek.