Gipuzkoako Mendizale Federazioak EHUko irakasle Jexux Mari Zulaikarekin batera egindako lanketaren ostean jasota gelditu dira haurrak mendi ibilaldiak egitera motibatzeko gomendioak.

Zortzi aholku

• Adin bakoitzera egokitutako erronka eta helburua ezarri. Zailtasun apaleko ibilbideekin hasi. Adina aurrera doan heinean erronkak ere handituz joango dira.
• Haur gehiago eta beraien adineko lagun (adiskide) gehiagorekin batera ateratzen saiatu. Beraien artean kontu-kontari eta jolastuz askoz hobeto pasatzen dute.
• Saiatu oinezko abiapuntua ahalik eta altuena lortzen; gero goranzko desnibela hain handia izan ez dadin.
• Haurrei protagonismoa eman, parte hartzeko aukera: fotokopia ibilbidearekin, profilarekin, ahal denean (adinaren arabera) iparrorratzak eta GPSak banatu.
• Haurrei nekea murrizten eta eroso ibiltzen irakatsi: erritmo lasaia eta konstantearekin abiatu, motxilan alferrikako zamarik ez hartu, bidean atseden uneak tartekatu.
• Neurriak hartu ibilaldia egoera errukigarrian buka ez dezaten: edateko urik gabe, beroak pasata.
• Ez itsutu gailurra egin beharrarekin. Ibilbidean gustuko zerbait topatzen badute, gelditu lasai.
• Aukeratu ibilbidean zehar haurrentzat interesgarriak izan daitezkeen elementu eta osagaiak. Eskulanak egin makilein, soka bat zuhaitzeko adarretik lotuta liana eraiki, agian kolunpioak (zabuak) edo jolas parkea amaieran.

Iturria: Gipuzkoako Mendizale Federazioa.
Irudia: Juancar Sanz.