Guraso eta hezitzaileentzat sortzen diren egitasmo eta tresna berriei adi gaude guraso.eus egitasmoan. Baliabide berri bat aurkeztu nahi dizuegu gaurkoan, Abestuz ikasi.

HAURRENTZAKO EUSKAL ABESTIEN KATALOGO berri bat  da Abestuz ikasi eta  Haur Hezkuntzako umeekin kontaktua duen edonori zuzendua dago. Bertan, kantak kontsultatu zein proposatzeko aukera ematen da. Modu honetara, irakasle, hezitzaile zein gurasoen artean elkarreragina sortu nahi da, ezagutza partekatu eta belaunaldien arteko transmisioari lagundu.

Abesti bakoitzeko gaiaz gain informazio gehigarria topatuko dugu bertan, alegia, azpigaia, hitz gakoa, autorea/abeslaria, diskoaren izenburua, bilduma, urtea, iraupena, multimedia aukerak, letra eta hainbatetan, kantaren inguruko oharra bere egokitasunaren inguruan. Izan ere, abesti guztiek ez dute transmititzen gizarte hobe bat eraikitzeko balio egokirik, batez ere tradizioko kantuetan topatu ditugu egun egokiak ez diren balioak: sexu eta generoen estereotipoak, arrazakeria, erlijio jakin baten aldeko apologia, animaliekiko tratu txarrak… Horregatik, haur kantuetan ezkutatzen diren estereotipo, jarrera eta iritzi matxistak, xenofoboak, lodifoboak… bistaratu nahi izan dituzte egitasmoaren sortzaileek eta hezitzaileak abesti hauen erabilera egokia egin dezaten ohartarazi.

Guk egitasmoaren sortzaileetako bat den Mari Karmen Garridorekin hitz egin dugu egitasmoaren nondik norakoak ezagutzeko.

Arantza Altube Basterretxea eta Mari Karmen Garrido Regidor