Hego Euskal Herriko gazteek sare sozialak dituzte informazio-iturri nagusi
![](https://guraso.eus/wp-content/uploads/2024/07/Captura-de-Pantalla-2024-07-18-a-las-7.57.31.png)
Hego Euskal Herriko gazteak gehienbat sare sozialak erabiltzen dituzte informazio-iturri gisa, eta ondoren telebista kanal ohikoak. Sare sozialen artean Instagram eta TikTok nabarmentzen dira, eta unibertsitateko ikasleen artean X sare soziala ere nabarmentzen da.
Hego Euskal Herriko gazteak eta informazioa izeneko mintegia egin du Euskal Hedabideen Behategiak eta bertan azken ikerketaren berri eman du IKUSIKER taldeko Garazi Sanchez Murcianok.
Gazteek ikus-entzunezkoak kontsumitzeko eta informazioa eta Komunikazio Teknologiak (IKT) erabiltzeko ohiturak, moduak eta joerak aztertzen ditu IKUSIKER Ikus-entzunezkoen behategiak. 2018/1029 ikasturtean sortu zen eta gaur egun NOR Ikerketa Taldeaz gain EITBk, Tabakalerak eta Kulturaren Euskal Behatokiak osatzen dute IKUSIKER Behategia.
Ikerketa burutzeko Bigarren Hezkuntzako 20 eskola eta institutuetako ikasleak inkestatzen dituzte aurrez aurre urtean birritan (udazkenean eta udaberrian) eta EHU eta NUPko kanpus, fakultate eta ikasketa eremu desberdinetan aurrez aurreko eta online bidezko inkestak egiten dituzte urtean zortzi aldiz.
Gazteek euskarazko hedabideen gainean duten ezagutza eta kontsumo ohiturak ere jorratu dituzte oraingo azterlan honetan.
Taula eta datu asko dira eta txosten osoa hemen dago ikusgai.
Euskal hedabideen Behategiak egindako mintegia ere ikusgai dago sarean.
![](https://guraso.eus/wp-content/uploads/2024/07/Captura-de-Pantalla-2024-07-18-a-las-7.57.43.png)
Iruzkinik ez "Hego Euskal Herriko gazteek sare sozialak dituzte informazio-iturri nagusi"