Heriotzaren pedagogiaren aldeko kanpaina

Gaurkoan, osoigo.com plataforman abian jarri dugun kanpainiaren berri ematera natorkizue, izan ere, 500 pertsonen babesa behar dugu politikariek geure eskaerak entzuteko.

Baina, eskaeraren zergatia hobeto uler dadin, azalpen txiki bat eskaini nahi dizuegu.

Zein da egoera?

Heriotza Haurrekin-en atzean nagoenetik, urte hauetan zehar zuen zalantzekin niregan jo duzuenok ugari zarete, senide zein hezkuntzako profesional.

Izan ere, duela gutxira arte, Hezkuntza Departamentuak aditu bikain bat zeukan langileen artean: Kepa Camiña. Euskal Herri mailan ezezik, estatu mailan erreferentea izaten jarraitzen du, baina, dagoeneko, Hezkuntza publikoko zerbitzuetatik kanpo.

Hori dela eta, beste bide batzuetatik heriotza eta dolua jorratzen dugun beste profesional batzuongana jotzen duzue, normala den bezala zuen beharrak asetzeko asmoz.

Ez al da zerbitzu publikorik horretarako?

Esan bezala, lehen hezkuntza sailean bazegoen erreferente bat eta gaur egun, Berritzeguneetatik ahal duten arretarik onena eskaintzen dute, baina, dakigunez, ez dago Heriotzaren eta Doluaren pedagogian espreski formatutako inor.

Gai tabua da, barneak asko astintzen dituena eta dedikazio berezia eskatzen duela ulertzen dugu. Horregatik figura horrek euskal ikastetxeetara bere zerbitzuak era publikoan eta formalean helaraztearen garrantzia.

Zer eskatzen da zehazki?

• Irakasleak doluan eta heriotzaren pedagogian formatzeko.
• Heriotzaren eta Doluaren pedagogia ikastetxeen curriculumaren parte izateko eskatzen dut Hezkuntza Sailak urte hasierako ebazpenaren urrats eta bete beharreko puntuen parte eginez, hau da, urteko planean heriotza jorratzeko gonbidapena.
• Hizkuntza edo harrera planak ikastetxe baten errealitatera egokitzen diren bezala, zentro guztietan heriotzaren hezkuntzarako eta dolurako protokolo indibidualizatuak sortzea
• Euskarazko materiala sortzea bertako errealitateari lotuta eta Hezkuntza Sailari horretan inbertitzeko (ikerketak egiteko diru laguntzak, ipuinak…) eskaera.
• Guzti hau martxan jartzeko, adituaren figura publiko bat berreskuratzeko beharra.

Norengan iritsiko litzateke laguntza?

Gizarte osoaren onerako litzatekeela ulertzen dugu, izan ere, batetik ikastetxeetako dokumentu ofizialetan heriotzaren pedagogia barneratzeak eta doluaren aurreko protokoloa izateak, naturaltasuna areagotu eta dolu-prozesuetan lagunduago egotea ekarriko luke, tabua hautsiz.

Bestetik, adituaren figura hezkuntzako profesionalen formakuntzan eta laguntzan arituko litzateke, laguntza hori familiei zabalduz.

Eta azkenik, materialak eta ikerketak egiteko erraztasunak emanez gero, hauek areagotuko lirateke, gizarte osora zabalduz.

Horregatik guztiagatik, ados egongo bazinate, zuen laguntza eskaintzea eskertzekoa litzateke. https://bit.ly/3C35390

Kontutan izan datu pertsonalak eta sms bidezko baieztapena eskatzen dituela norbanakoak zaretela bermatzeko.