Debagoiena eraldatzen erreportaje sortako azken alean, hezkuntza sistemaren izaeraz, erronkez eta norabideez hitz egiteko tartea hartu zuten Humanitate eta Hezkuntza Zientzien fakultateko irakasle eta ikertzailea den Agurtzane Martinezek eta Eskoriatzako Luis Ezeiza eskolako Aspace tximeleta gelako Maier Mediavilla eta Yera Leonek.

Hezkuntza sistema “botere hegemonikoa mantentzeko” erabili den tresna bat dela esanez hasi zen Agurtzane Martinez, eta bat egin zuen Maier Mediavillak ere: “Sortzez, homogeneizatzailea eta guztiz segregatzailea izan da hezkuntza; pribilegio sozial hutsa. Ezaugarri jakin batzuk zituztenak soilik zuten eskolara joateko eskubidea”. Halere, egun, aurrerapauso handiak eman direla diote, baina ez nahi bestekoak; ondo dakite hirurek oraindik dezente egin behar dela hezkuntza sistema benetan inklusiboa izan dadin.

Iturria: Goiena Telebista

Etiketak: