Hiperaktibitatea, gaitz asmatuen zerrendan

Jarrera arazoak gaixotasun mental bihurtu ote ditugu; iritzi kontrajarriak daude adituen artean.

Argia aldizkarian sakon landu dute gaia, eta deigarria da Arreta Gabeziaren Hiperaktibitate Nahasmendua delakoak adituen artean eragiten dituen iritzi kontrajarriak.

Hiperaktibitatea gaitz asmatuen zerrendan sartu dute Iñaki Berazalucek eta Daniel Civantosek. Teoria berdinekoak dira Volviendo a la normalidad liburuaren egile Fernando Garcia, Hector Gonzales eta Marino Perez.
Badira, aldiz, diagnostiko oker ugari egiten direla sinestuta dauden sendagileak. Allen Frances doktoreak, esaterako, onartu du sindrome eta patologia gehiegi izendatzearren erruz, ia gizarte osoa bihurtu dugula gaixo mental. Kontua da, 1997tik 40 aldiz biderkatu direla diagnostikaturiko kasuak. Horren ondorioz, beharrik gabe medikatutako haur asko dagoela diote adituek.

Hiperaktibo ‘izan’ edo ‘egon’

Gabriela Dueñas piskopedagogoak uste du estimuluz betetako, arrakasta errazera ohitutako eta gurasoen antsietateaz kutsatutako haurrak sortu ditugula egungo gizartean. “Inguruak ez du lasaitasuna bultzatzen. Hamabi orduko jardunaldiak dituzten seme-alabak ditugu. Eta hori ez da hiperaktibitatearekin nahastu behar”. Hala, defendatzen du gaixotasun mental edo buruko gaitz bihurtu ditugula berez jarrera problematikoak direnak.

Konplexua da bereizketa egitea. Hiperaktiboa denak arazo neurobiologikoa du burmuineko lóbulo frontalean. Hiperaktibo dagoenak, ordea, gehiegizko estres edo antsietatea, muga falta, arazoak autoritatearekin… Eta garrantzitsua da ondo bereiztea  ze “botikak hartu beharko ez lituzkeen haur asko dago hiperaktibotzat jo eta medikatua”.

Artikuluaren iturria eta informazio osagarria hemen.

Argazkiaren iturria hemen.