Egun eta ospakizun berezietarako errezetarekin gatoz gaurkoan. Marmelada aukeratu dugu guk, baina txokolatea ere izan daiteke. Hori zuen esku! Hemen doa errezeta.

Behar direnak

  • Hostorea, bi xafla.
  • Kakao krema.
  • Arrautza.
  • Koloratzaile jangarria.
  • Arrabola bat.
  • Guraizeak.
  • Labana.
  • Labea.

Nola egin

  • Pasa arrabola hostorezko bi xaflen gainetik. Jarri kakao krema xafletako bati. Kontu handiz jarri beste xafla gainean.
  • Egin mozketak arrain forma lortu arte. Masaren muturretako batean egin buruz forma borobila emanez. Beste muturra moztu arrainaren buztanaren forma emanez. Erdialdean, ebakiak egin erdigunera iritsi gabe.
  • Tentu handik eman bira tira bakoitzari, beti ere arrainaren gorputza simulatuz.
  • Arrain guztia arrautza irabiatuarekin margotu eta 200ยบ C-tan laberatu 13-15 minutuz.
  • Hozten utzi.
  • Koloratzailearekin margotu begia eta arrainaren ahoa.
  • Zerbitzatu eta jan.