Azkenaldian ezagun egin da haur eta gazteen artean Huggy Wuggy panpina. Poppy Playtime bideojoko bortitzaren salmentaren parte da eta oso ezaguna egin da dagoeneko haur eta nerabeen artean, baita Euskal Herrian ere, izan ere, jai ugaritako postuetan edota askotariko gauzak saltzen dituzten denden lehiatiletan ikusgai dago. Eta noski, horiek dagoeneko iritsi dira haurren parkeetara ere, neska-mutikoen eskutik.

Panpina bat gehiago dirudien arren, bideo-jokoan edozein pertsona hiltzera dedikatzen den panpina da adierazitakoa; besarkada estua emanaz, arnasarik gabe uzten ditu guztiak. Horregatik, dagoeneko profesional ugarik adierazi dute euren kezka sare sozialen bitartez, halako gauzak egiten dituen panpina hori, edozein neska-mutikoren etxeetan edo besotan aurki daitekeelako dagoeneko.

Ezagutu ez arren, ondorio “larriak” ekar ditzake

Carmen Esteban psikologoak bere sare sozialetan adierazi du bideo-jokoak izan duen arrakasta ikusita, dagoeneko 3, 4 edota 5 urteko umeak ere erakartzen dituela panpinak. Eta hori izateak ondorio “larririk” ekarri ez ditzakeela uste izan arren, ez dela horrela. Bost arrazoi argudiatu ditu.

  • Bideo-jokoaren publizitate eta marketin handiagoa ekartzen du panpina izateak, beraz, ikusgarritasun handiagoa ematen zaio eta beste haur batzuek jolasteko aukera gehiago izango dute.
  • Ezaguna egiten da zure seme-alabaren burmuinean. Arazoa da panpina hau haur-edukiz josten ari dela. Adibidez, Pepa Pig-ekin lotutako bideoetan ikus daiteke dagoeneko. Uste duzu zure seme-alaba horrelako marrazki bizidunen bat ikusten ari dela ezaguna egiten zaion panpina hori azaltzen bazaio klik egingo duela bertan? Ziurrenik bai eta bideoa ez da beretzat egokia izango.
  • Gainera ikusten ari da haur eta nerabe geroz eta gehiago ari direla birus-erronka oso arriskutsuak egiten sare sozialetan, ikastetxeetan hain besarkada gogorrak ematearekin lotuta, beste haurrak arnasarik gabe uzteraino.
  • Pertsonaia hori ezagutzen duten beste haur batzuengan beldurra ere sor dezake.
  • Norberarengan eta besteengan sortutako indarkeriaren aurrean sentsibilizatzeak sortzen duen indarkeria normalizatzeaz gain, indarkeria txalotzen ari da.

Gaineratu du ez dugula ahaztu behar bereziki adin goiztiarretan haurrei kosta egiten zaiela errealitatea eta fantasia bereiztea. Eta horretaz baliatzen direla horrelako eduki-sortzaileak.

Azken mezu bat ere bidali nahi izan du: zure seme-alabari, ilobari edo bilobari erosi badiozu panpina hau, eta orain konturatzen bazara nondik datorren, orain da unea erabakiak modu formatuan eta informatuan hartzeko.