Ikasleen ikasteko teknika “desegokiez” jardun du Mikel Garcia Idiakez kazetariak Argia aldizkarian, Ikerketa kognitiboan oinarritutako zein ikasketa teknika darabilte ikasleek bigarren hezkuntzan? izeneko ikerketa lanean oinarrituta.

Ikerketak dioenez, Kataluniako 27 ikastetxeetako 3.414 ikasleren erantzunak lagintzat hartuta, ikasleen %78k dio inork ez diela inoiz irakatsi ikasten, ez dietela inoiz azaldu zein metodok funtzionatzen duen egokien jakintza behar bezala barneratzeko, eta memorizazio hutsa darabiltela, horrenbestez. Ikerlariek, ordea, badute zergati horren erantzun bat: azterketa gainditzeko aski da azken egunetan lezioa buruz ikastea, eta ikasleek, beraz, horixe egiten dute, beste teknika batzuek lan handiagoa eskatzen dutelakoan. Halere, epe motzerako metodo bat da, azkar ahazten baitu buruak inongo zentzurik eman gabe hitzez hitz ikasitakoa.

Epe luzera eraginkorra izan daitekeen ikasketa metodoari dagokionez, “praktika partekatua” aipatzen dute adituek: gai bera behin baino gehiagotan ikastea, denboran partekatuta, alegia. Horretarako, funtsezkotzat jotzen dute ikasten den hori ulertzea eta nork bere apunteak eta eskemak egitea, besteak beste. Finean, ikerketak jasotzen du barneratzea hobea dela ikasitakoari zentzua eta esanahia emanez gero. 

Ikasterakoan, nola?

Ikerketak jasotzen duenaren arabera, ikasi bitartean, lau ikasletik batek (%25,3) musika entzunez ikasten du, eta ia batek (%24,2) mugikorrari kasu egiteko eten ugari egiten ditu. Errendimendu akademikoan eragin txarra dute bi egoerek.

Hemen artikulua osorik.