DBH3 eta DBH4 mailako ikasleen datorren ikasturteko ikasmateriala diruz lagunduko du Eusko Jaurlaritzak Euskal Herriko Ikasleen Guraso Elkartearen (EHIGE) aldarrikapenari erantzunez. Orain arte laguntzak DBH2 mailara arteko ikasleei zuzendutakoak ziren; horrenbestez, datorren ikasturtetik aurrera, eskola publikoetako Lehen Hezkuntzako eta Derrigorrezko Bigarren Hezkuntzako ikasle guztiek hartu ahal izango dute parte dirulaguntza programa honetan.

Dirulaguntza honen bitartez, Eusko Jaurlaritzako Hezkuntza Sailak 35 euro jarriko ditu Lehen Hezkuntzako ikasle bakoitzeko, eta familiek, mailaren arabera, 27 eta 31 euro artean ordainduko dute ikasmaterialagatik. DBHkoen kasuan, Hezkuntza Sailak 103 euro jarriko ditu ikasle bakoitzeko, eta familiek 41 eta 45 euro artean ordainduko dute.