Euskal Herriko Ikastolen Elkarteak, euskarazko album ilustratuak, jolas produktuak eta komikiak biltzen dituen katalogoa prestatu du. Helburua, haurrei euskaraz jolasteko eta irakurtzeko aukera ematea da. Hemen klikatuz ikusi daiteke katalogoa. Horrez gain, 2025eko kanpainaren aurkezpen bideoa ere egin dute.

Durangoko Azokan jasotzeko aukera

Liburuen eskaera egiteko hainbat bide daude. Batetik, abenduaren 5etik 8ra DA! Durangoko azokako Artekale 64, Ikastolak stand-ean egongo da liburuak jasotzeko aukera, galdetegi hau beteta. Eskaerak egin ostean, Hitz eta Jolas egitasmoa bera jarriko da eskatzailearekin harremanetan azokako jasoketa eguna zehazteko. Ordainketa ere bertan egingo da. Eskaerak egiteko bide hau erabiltzen dutenek, opari bat jasoko dute. Azaroaren 26 izango da eskaerak bide honetatik egiteko azken eguna.

Bestetik, ikastola batzuek eskaerak eta jasoketa ikastoletan bertan egiteko bide propioa zabaldu dute euren webguneetan. Elkar dendetan, supermerkatuetan eta herrietako beste jostailu dendetan ere eskuratu daiteke katalogoko materiala.