Heriotzaz hitz egitera ohituago nagoen arren, dolua ere atenditu behar dela argi daukat eta ikasturte amaiera iristen ari den honetan, guraso zein hezitzaile  izanda,  gure  haurrentzat  dolu-prozesu  bat  dakarren  uneaz aritu nahiko nuke.

Zergatik da ikasturte amaiera dolu-prozesu baten hasiera?

Bada, egoera ezagun baten amaiera dakarrelako: ikasmaila bat, ikastalde bat, irakasle bat… agurtzea eta maiz datorren urtean zer datorkien ez jakitea.

Zer esanik ez zikloz, edo are gehiago etapaz edo ikastetxez, aldatzen direnean.

Datorren  ikasturtean ikaskide berriak izan ditzakete, ikaskide batzuk faltan egon, irakasle aldaketa etor liteke, gaitasun edo erraztasunen galera, erronka berriak nolakoak izango direnaren beldurra…

Eta  aldaketa  guzti  horietara  egokitu  beharra  dago,  galdutakoa  onartu eta datorrenari heldu.

Zer ekidin horrelakoetan?

Helduontzako besterik gabeko aldaketa izan arren, garrantzirik gabekoa, haurrentzat bere egunerokotasuneko parte handi bat aldatuko da. Esna dauden orduen zein portzentai pasatzen dute ikastetxean?

Beraz, ez diezaiegun lasai egon edo ez da ezer gertatzen esan. Momentu horietan euren bizipenak gutxiestea da gutxien behar dutena.

Horren ordez, beraien ondoan egon beharko dugu, beraien emozioei izena jarriz, aldaketak positiboak izan daitezkeela dakigun ikuspegitik, lasaitasuna transmititzen saiatu, inposatu gabe.

Laburbilduz…

Ikasturte   amaierak   galera   bat   suposatzen   du   eta   horrekin   batera dolu-prozesua dator. Beraz, haurrak ulertu eta beraiei protagonismoa eman, euren erritmoak errespetatu eta prozesuari hitzak jarri.

Ikasturte bat borobiltzen

Zure seme-alabak ikasturtea ixtera gonbidatu, eskolak proposatzen ez badu,  zuek  eman  lehenengo  urratsa  eta  azken  egun berezi bat prestatu, lagunak agurtu (agurra zein gero arte bat izan), maite ditugunei maite ditugula esan eta elkar ezagutu izana ospatu dezatela.

Aurten, inoiz baino beharrezkoagoa da etapen itxiera, emozioei arreta jartzea eta geure burua eta elkarri zaintzea.

Eta zuoi… Plazer bat ikasturte hau ere konpartitu izana, deskantsatu eta uda ederra pasa!