Apirilaren 3an eta 4an, Saran, Lapurdin, IKUSI MIKUSI, euskara hutsean izango den lehenengo Haur eta Gazte Literatura Azoka ospatuko da. Galtzagorri Elkarteak, Kiribil konpainiak eta Pamiela argitaletxeak elkarlanean antolatuko dute azoka. Atzo , prentsaurrekoa egin dzuten Donostian eta Martxoaren 12an Baionan izango da azokaren aurkezpena.

Euskal Herrian egingo den lehenengo euskal Haur eta Gazte Literatura Azoka izango da. Apirilaren 3an Eskolen Eguna izango dute eta 4an Familien Eguna.

Bidasoaren bi aldeak lotu nahi ditugu, haurrak ardatz izango dituen egitasmoan. Euskal Herri osoko ikasleak, profesionalak, irakasleak, argitaletxeak, ilustratzaileak, idazleak, ipuin kontatzaileak, aktoreak, liburu saltzaileak, liburuzainak eta familiak bildu nahi dituzte azokan. IKUSI MIKUSIren muina euskaraz haurrentzat nahiz gazteentzat idatzitako liburuak izango dira.