Proiektuak Angelab du izena eta Europako Batasunaren aitortza jaso berri du. Berrikuntzaren saira eman diote. Jaio aurreko diagnostikoa egitea ahalbidetzen du eta amniozentesia ez bezala, inbaditzailea ez den teknologia bat garatu du, haurdun dagoen emakumearen odola erabilita, umearen diagnostikoa egiteko.

Angelab proiektuak hamaika milioi euroko aurrekontua du eta, askotariko bazkideak batzen dituen arren, Arrasateko ikerkuntza eta teknologia zentro Ikerlanek lideratzen du. Angelab proiektua ez da oraingo kontua; 2012. urtean hasi zen, eta jaio aurreko osasunean ez ezik, beste sektore batzuetan ere erabil daitezkeen teknologiak garatzen ditu.

“Garapena eginda dago. Bi prototipo garatuta daude. Orain Euskal Herriko ospitale desberdinetara eramango ditugu han emaitzak balioztatzeko”, adierazi du Ikerlaneko mikrosistemetako ikertzaile Maria Agirregabiriak.