Azaroaren 14tik bideo-selfie edo NAN-a eskatzen hasi da Instagram bere sare sozialetan kontua sortzeko. Instagramen gutxienez 13 urte izan behar dira kontua sortzeko, baina adinez nagusikoa izan behar da eduki batzuk kontsumitu ahal izanteko.

Guraso askoren kezka iturri izan da sare sozialetan kontu bat sortzeko ezartzen duten gutxieneko adina. Legez, espainiar estatuan, 1720/2007 errege-dekretuaren 13. artikuluak honela dio: “14 urtetik gorakoen datuak beren baimenarekin tratatu ahal izango dira, salbu eta legeak, datu horiek emateko, guraso-ahalaren edo tutoretzaren titularren laguntza eskatzen duenean. 14 urtetik beherakoen kasuan, gurasoen edo tutorearen baimena beharko da”.

Orain arte, sare sozialetan adina egiaztatzeko jaiotze-data eskatzen zuten soilik. Beraz, jarritako adinak gutxieneko data gainditzen bazuten, profila sortzeko aukera zuten. Askok baliatu dute hutsune hori adin faltsu bat jarriz kontu pertsonala edota profil faltsua sortzeko.

2022an Meta enpresak kontu honetan esku-hartzeko hautua egin zuen, inteligentzia artifiziala eta Machine Learning-a erabiliz erabiltzailearen adin erreala zehazteko. Estatu Batuetan hilabete batzuetan martxan egon ostean, gurera iritsi da.

Hiru modutara egin ahal izango da egiaztapena:

  • Nortasun-agiri bidez: errazena da. NAN-ari edo gida-baimena argazkia aterata. Metak konpromisoa hartu du argazkia 30 egunez gordetzeko.
  • Bideo-selfie bidez: selfie eran aurpegiaren bideoa grabatu behar duzu. Bideoa grabatu eta bidali egiten da eta automatikoki adinaren estimazioa egiten du, aurpegiko ezaugarrien arabera.