Aldaketak datoz haurrak segurtasunez bidaiatzeko aulkiei dagokien araudian. Europako R44 araudiaren ordez, R129 araudia ezarriko da, I-Size deritzona. 2024ko irailaren 1etik aurrera, R129 I-Size arauarekin homologatutako aulkiak baino ezin izango dira merkaturatu.

Aldaketak nagusiak

– Adingabearen luzerak (eta ez pisuak) erabakiko du haurrak atxikitzeko sistema. 135 zentimetrora arteko haurrei eragingo die araudi berriak.
– Segurtasun-sentsore aurreratuak dituzten dummie berriak erabiliko dira.
– R129arekin homologatutako energia xurgatzeko elementuak izango dituzte, talka bortitzetan segurtasun eta erosotasun handiagoa ziurtatzeko.

Epe bat aldaketetarako

Araudiak debekatu egiten du homologazio berrira egokitu gabeko euste-sistemen salmenta, baina epealdi batez baimenduta dago erabiltzea, nahiz eta ez diren gomendatzen ez dituztelako betetzen ezinbestekotzat jotzen diren gutxieneko segurtasun-baldintzak.

Adituek eskatzen dute kontu berezia hartzeko bigarren eskuko aulkiekin; estimazioa da hamar aulkitik bederatzi ez direla homologazio berrira egokitzen.

Aulkiak, ahal dela, ibileraren kontrako noranzkoan jarri behar dira.