Neguko argiak argitaratu zuen Irati Elorrieta idazle algortarrak 2018ko abenduan, eta Mondragon Unibertsitatearen Euskal Kulturgintzaren Transmisioaren graduondoko saioetako batean izan da aurkezpena egiten apirilean.

Beste gauza batzuen artean irakurzaletasunaren transmisioaren inguruan hitz egin du. Umeei gauean irakurtzearen garrantzia azpimarratu du; izan ere, uste dut irakurzaletasuna emoziotik transmititzen dela. “Ez da bakarrik irakurtzea. Testuaren bitartez haurrarekin denbora eta espazio bat konpartitzea da. Irakurzaletasuna da zerbait txiki txikitatik sortzen dena, eta lotzen dena emozioekin”, adierazi du.

Familian egiten den lana oso garrantzitsua da, baina baita ere ikastetxeetatik egiten dena. “Gurasoek ez dute beti transmititzaile papera betetzen. Familia mota asko dago, eta jatorrizko kulturak ere bai. Umeak askotariko inguruetan hazten dira eta uste dut lehenengo lekua ezberdintasun horiek orekatzeko eskola izan behar dela. Eta eskolan ere emoziotik transmititu behar da irakurzaletasuna, eta ez derrigortasunetik”.