Nafarroako Malerreka eskualdean aurkitzen da Donamaria-Gaztelu, eta herriaren erdi erdian jolas-parke oso berezia dago.

Hainbat ziburu dituen jolas-parke koloretsua, gehienbat egurrez egindakoa. Itsasontzi koloretsu bat da jolas-parke honen ezaugarri nagusietako bat. Mahai-tenisa eta tirolina ere baditu. Parkean bertan iturria, eserlekuak eta taldean otordua egiteko mahaiak ere badaude.

Nabarmendu beharreko bi berezitasun ditu jolas parkeak. Alde batetik eta ahal izan den neurrian bertako materialekin eraiki dute. Jolaserako dauden elementu ia guztiak inguruko egurrarekin egindakoak dira —eserlekuak, mahaiak, hesitura…—. Bestalde, auzolanean egindako jolas parkea da. Hala, herritaren parte hartzearekin egindakoa da.

Bestelako zerbitzuei dagokienean udal igerilekuaren ondoan dago. Frontoi estalia eta ostatu-jatetxea ere bai. Gainera, bisita daitekeen XV. mendeko dorretxea dauka oinez bost minutura.

 

PARKEAREN FITXA

. Gunearen izena: Donamariako jolas parkea.
. Helbidea: Uxarrea auzoa, 4.
. Kokapena: herrigunean.
. Estalia edo irekia: irekia.
. Sarrera: doan.
. Iturria: bai.
. Komunak: bai, ondoko tabernan.
. Irisgarritasuna: oinez, bizikletaz, autoz.
. Gurpildun aulkientzako irisgarria: bai.
. Aparkalekua: bai.