‘Izan burua, altxa burua’ mugikorren gehiegizko erabileraz ohartarazteko

Telefono mugikorrak eta adin txikikoak izan da Euspot lehiaketaren 13. edizioaren gaia. Euskarazko spot lehiaketa da eta parte hartzaileek 30 segundoko ikus entzunezkoa prestatu behar izan dute. Jarritako gaia hauxe izan da: 12 urteko seme-alabak mugikorra eskatu die gurasoei. Zer egin? Babesle nagusia Eusko Jaurlaritzako Kultura eta Hizkuntza Politika Saila izan da.

‘Izan burua, altxa burua’ izeneko spotak jaso du sari nagusia eta Oihan Loiti Iraola arrasatearrak egin du. Hemen duzue ikusgai.

Guztira, 87 lan heldu dira lehiaketara. Pantailen erabilera hausnarketarako gai den honetan interesgarria da sortzaile gazteek zer nolako hurbilketa egin duten ikustea. Spot guztiak ikusgai daude Euspot.eus atarian.