Pandemia hasi eta eskola eta ikastetxeetako ohiko jarduna etxeetara aldatu zenean, hizpide izan zen haur eta gazte askok euskararekin zeukaten harremana etenda geratu zela. Harreman hori baina, ez da soilik hezkuntzan ematen, aisialdian ere ematen da. Eta azken hilabeteetan hartu diren neurriek hor izan duten eraginari buruzko kezka azaldu du Euskaltzaleen Topaguneak.

Egoeraren gaineko lehen diagnosia egin dute, eta datu kezkagarriak azaleratu dituzte. Euskarazko aisialdiaren eskaintzan beherakada handia izan da eta aurrera begirako helburuak eta erronkak ezartzea ezinbesteko ikusten du Euskaltzaleen Topaguneko zuzendari Jasone Mendizabalek.

Iturria: Goiena Telebista