Hemen antzezlan bat heziketa aztergai duena. Borobil Teatro taldeak proposatzen du eta egokia da umeekin lan egiten duen edozein hezitzailerentzako, izan entrenatzaile edo guraso.

Futbola hartzen du ardatz eta kirol horren inguruan sortzen diren pasioak zein frustrazioak ditu hizpide. Komedia bat da eta umorea gailentzen da, baina hausnarketa sakona egiteko aukera ere ematen du; batez ere, haurrekiko daukagun jokaeraz. Hala, berez komedia dena gogoetarako abagune bihurtzen dute Borobil Teatro taldekoek. Kirolaren balio hezitzaileak zabaltzen dituzte umorea tresna hartuta.

Manu eta Martin dira Jokoz kanpo antzezlaneko bi protagonista nagusiak, umeak biak. Finala dute buruan eta irabazi egin nahi dute kosta ala kosta. Final hori bizitzan jokoz kanpo ez daudela frogatzeko irabazi behar dute. Baina nola iritsi dira puntu horretara?

Anartz Zuazuak zuzentzen du Mikel Pagadizabalek eta Nagore Aranburuk idatzitako antzezlana.  Aktore lanetan dihardute Joseba Apaolazak, Asier Hormazka, eta Asier Sota
k. Iraupena: 75 minutu. Adina: 12 urtetik gorakoak.

Argazkiaren eta bideoaren iturria: Borobil Teatro taldea.