Jolas parke proposamena: Antzin, Carboneras jolas parkea
![](https://guraso.eus/wp-content/uploads/2024/07/Sin-titulo-1024x768.jpg)
IX. mendearen hondarrean egin zen Gasteiz eta Bergaraino ere iristen zen Vasco Navarro delako burdinbidea. Lizarra-Gasteizera arteko 69 kilometroak 1920tik eta 1929ra bitartean egin ziren.
Laburra izan zen trenaren bizialdia. Beste garraiobide mota batzuk, erepideetan mugitzen zirenak batik bat, gailendu ziren bidaiarien eta salgaien garraioan.
1967ko abenduaren 31an egin zuen bere azken bidaia, eta instalazioak bertan behera geratu ziren, burdinbideak eta katenariak ere eraitsiak ziren. Eraikinak tokian tokiko erabilpenak izan zituzten: udaletxe, etxebizitza, biltegi… Bizikletan familian egiteko bide berde polita utzi digu Vasco Navarro trenbideak eta bide hone inguruetako herrixketan aurki ditzakegu jolaserako aukerak ere. Gaurkoan, Antzin herriko jolasparke bat aurkeztuko dizuegu. Itzaletan, ohiko jolaserako elementuak, zuhaitzak, ikatz txondorraren adibide bat, tirolina… badauka zer deskubritu parkeak.
Antzinako Antzingo ikazkinek bertan egiten zituzten beren txondorrak. Eremu horretan txondorra, ikazkinen borda eta ikazkinek erabiltzen zituzten erreminta eta lanabesak ditugu ikusgai. Argibide taula batean langileon lan, pena eta trebezien berri ematen zaigu. Herriak antzinako lanbidea berreskuratu nahi izan du ikazkinen omenez, eta oroitarri batek ere gordetzen du beren oroimena
![](https://guraso.eus/wp-content/uploads/2024/07/1-1024x768.jpg)
![](https://guraso.eus/wp-content/uploads/2024/07/2-1024x768.jpg)
![](https://guraso.eus/wp-content/uploads/2024/07/3-1024x768.jpg)
![](https://guraso.eus/wp-content/uploads/2024/07/4-1024x768.jpg)
![](https://guraso.eus/wp-content/uploads/2024/07/5-1024x768.jpg)
![](https://guraso.eus/wp-content/uploads/2024/07/6-1024x768.jpg)
![](https://guraso.eus/wp-content/uploads/2024/07/7-1024x768.jpg)
![](https://guraso.eus/wp-content/uploads/2024/07/8-1024x768.jpg)
![](https://guraso.eus/wp-content/uploads/2024/07/9-1024x768.jpg)
![](https://guraso.eus/wp-content/uploads/2024/07/10-1024x768.jpg)
![](https://guraso.eus/wp-content/uploads/2024/07/11-1024x768.jpg)
![](https://guraso.eus/wp-content/uploads/2024/07/12-1024x768.jpg)
![](https://guraso.eus/wp-content/uploads/2024/07/Sin-titulo-1024x768.jpg)
Iruzkinik ez "Jolas parke proposamena: Antzin, Carboneras jolas parkea"