Errenteriako Txirrita parkean jolas-gunea: Unibertsolandia. Parkea –eta batez ere, eratze-prozesua– ezagutzeko, Itziar Ostolaza Hezkuntza zinegotziarekin izan ginen.

Idatzizko ekarrizketa irakurtzeko

Elkarrizketa entzuteko

Jolas-parkea diseinatzeko prozesua 2017an hasi zen, Errenteriako ikastetxeak barne hartu zituen sei hilabeteko parte hartze prozesuarekin. Haurrek erabaki zuten gai nagusia unibertsoa izatea nahi zutela, eta hala, Unibertsolandia izenaz bataiatu zuten parkea. 2.000 haur inguruk hartu zuten parte diseinuan. Parkean hiru gune ezberdindu daude , parte hartze prozesuaren dinamikaren ondorioz.

  • 0-4 urte bitarteko haurrei bideratutako eremua “esperimentazio” espazioa da. Hiru elementu sentsorialetan dago oinarrituta: ura, hondarra eta labirinto gunea.
  • 4-8 urte artekoei zuzendutakoak altuera eta psikomotrizitatea izan ditu ardatz. Aireko eta lurreko jolasak batu dira bertan, eskalada, egurrezko zirkuituak… eta bestelakoekin.
  • Azkenik, 8-12 urte bitarteko gaztetxoek “elkartze guneak” nahi zituztela erabaki zuten. Hala, toboganak eta hainbat eserleku berezi ahalbidetu dira haientzat.