Urkiolako Parke Naturalak Aramotzeko mendilerroko lurrik garaienak biltzen ditu, eta kareharrizko hesi handi bat osatzen du Bizkaiko Arratiako eskualde eta Durangaldearen eta Arabako Aramaioko haranaren artean.

Tontorrik garaiena Anboto mendikoa da, eta jende asko igotzen da bertara. Gainera, bertan dagoen Mariren kobazuloa erreferentzia mitologikoa da.

Urkiolako santutegiaren atzean aurkituko duzu proposatzen dizuegun jolasparkea. Egurrezko elementuekin egina eta areazko lurra ditu. Ohiko jolaserako elementu itxiak izan arren, kokalekuak, naturarekin bat egiteko saiakerak eta elementu batzuen originaltasuna, jolasparkea gida honetan sartzeko arrazoiak direla uste dugu. Jolasparkea bera aitzakia polita izan daiteke txikienekin Urkiolako ingurua ezagutzeko, baita bertan proposatzen zaizkigun txango ezberdinak egiteko ere.

Aukera bat: Toki Alai interpretazio zentroa

Toki Alai Interpretazio Zentro edo Parketxea Urkiolako Parke Naturalari buruzko erakusketa interaktibo iraunkorraz hornituta dago. Hemen Parkeko ibilbide zein interesguneei buruzko informazioaz gain turismo-informazioa ere eskuratu daiteke. Urte guztian zehar, publiko guztiarentzako ekintzak antolatzen dira, baita ikasturte garaian ziklo desberdinei zuzendutako progama didaktikoak ere.

Proposatu jolasparkeak