Txatxilipurdi elkarteak antolatutako Kosta ala kosta udaleku ibiltarian parte hartutako gazteek  egindako dinamika bat aurkeztu nahi dizuegu gaurkoan.


Azalpena

Talde handian egiteko dinamika proposatzen dugu gaurkoan , tratu onen dinamika bat. Helburua harremanezeta tratu onetaz hausnartzea da, momentu goxo bat izatea.

Taldea borobilean jarriko da, lasai, begiak itxita (musika lasai bat badugu askoz hobeto). Dinamizatzaileak taldeko kide batzuk “esnatuko “ ditu eta denei lan bera jarriko die, beti beste taldekideek gustura hartuko duten ekintza bat: Besarkada bat, buruan masajeak, eskuetan masajea, muxu bat… taldekide guztiek jaso beharko dute beraien tratu on dosia.


Ondoren berriz borobilean jarriko dira emaileak eta begiak itxi. Dinamizatzaileak beste taldekide batzuk esnatuko ditu eta hauei ere tratu onekin lotutako beste lantxo bat emango die. Taldekide guztiek eman eta jasoko dute tratu onen dositxoa.