Karta-joko dibertigarri bezain originala dakar oraingo honetan Olgeta baliabide zerbitzuko Itsaso Pagoagak: ‘Sardinak’.

5 urtetik aurrerako jokalarientzako da eta jolastu daitezke batera bi eta lau jokalari artean.

Jokoan karta gehien lortzen dituen jokalaria izango da irabazlea. Eta adi; izan ere, joko honetan azkarrena edo trebeena izatea baino garrantzitsuagoa da arreta jartzea eta begi zorrotzekoa izatea. Horrekin batera, noski, kontzentratuta egotea.

Pagoagak gomendatzen du adin askotariko jokalariek parte hartzea Sardina mahai-jokoan.

Ea gustuko duzuen!