Amaren eta haurraren larruazalak kontaktuan egoteaz eta bularra ematen ahalik eta lasterren hasteaz gain, erditze arruntaren arretarako gidak jaioberriei zainketa hauek egitea gomendatzen du:

● Amaren eta haurraren larruazalak kontaktuan daudenean, jaioberria aurrez berotutako tapaki edo eskuoihal batekin estali eta lehortzea, bero egoteko.

● Zilbor-hestea berandu estutzea; ahal izanez gero, jaiotzetik bi minutu igaro ondoren edo taupadak egiteari uztean, jaioberrien burdin mailak hobetu egiten direlako.

● Pomada oftalmikoa ematea, begiko infekzioak prebenitzeko.

● Muskulu barneko injekzio baten bidez K bitamina ematea, bitamina horren eskasiak eragindako hemorragiak prebenitzeko. K bitamina ahotik emateko, hainbat dosi behar dira; ondorioz, zailagoa da tratamendu osoa ematea, eta eraginkortasuna gal dezake.

Gaurkoan K bitamina delakoan jarriko dugu arreta. Zer da hau?

K bitamina haur jaioberri guztiei sistematikoki ematen zaien sendagaia da, jaioberriaren gaixotasun hemorragikoa prebenitzeko. Botika ematen ez bada, gaixotasun hemorragikoa 100.000 haurretatik 4-7tan gertatzen da.

Jaioberriaren gaixotasun hemorragikoa oso larria da eta heriotza eragin dezake.

3 gaixotasun mota daude:

Goiztiarra: bizitzako lehen 24 orduetan gertatzen da. K. bitamina ematearekin ezin da prebenitu. Antikoagulatzaile, antibiotiko edo antikonbultsionatzaileak bezalako  farmakoak  hartzen dituzten amekin lotzen da.


Klasikoa: bizitzako bigarren eta 7. egunen artean gertatzen da. Odola azalean, sudurrean eta hesteetan agertzen da, eta profilaxiarekin erraz prebenitzen da.


Berantiarra: bizitzako 8. egunetik lehen 3-4 astera bitartean gertatzen da. Arriskutsuena da. K bitamina jaso ez duten haurtxoei eragin diezaieke, baina, era berean, K. bitaminaren bidez prebenitu ezin diren gibeleko gaixotasunek eragin dezakete odol-jarioa hesteetan, azalaren edo garunaren azpian.

K bitamina nola eman daiteke?

Ahozkoa: zailagoa da xurgatzea eta dosi gehiago behar dira.Erresuma Batuko  Nice giden arabera, gomendatzen den jarraibidea dosi bat da jaiotzean, beste bat bizitzako astean eta azkena  hilabetera ematea da. Garrantzitsua da botika esne-harguneekin ematea, xurgapena errazteko. Ahotik hartuz gero, jaioberriaren gaixotasun hemorragikoaren arriskua 100.000 haurretatik 0-0,9 umetan gertatzen da. Ez dakigu haurraren hesteetako mikrobiota oztopatu dezakeen, ez dugu ebidentziarik.


Muskulu barnekoa: dosi bakarra ematen da bizitzako lehen orduetan, muskulu barneko injekzio baten bidez. Infekzio- eta min-arriskuak barne. Xurgapena hobea da, eta jaioberriaren gaixotasun hemorragikoaren arriskua 100.000 haurretatik 0-0,4tan gertatzen da, 1 mg im jaso ondoren.

Ez dakigu zergatik jaiotzen diren haurtxoak k bitaminaren eskasiarekin, k bitamina ezin da plazentaren bidez xurgatu eta amaren esneak k bitaminaren dosi txikiak ditu. Garrantzitsua da ikertzea zergatik aurreikusi duen naturak haurtxoek k bitamina ez hartzea eta jaiotzean dosi handietan emateari lotutako arriskuak.