Aste honetan kanpoan jartzeko sukalde txikiak sortzeko ideia argitaratu genuen. Baina zergatik sukaldetxoak? Nolako jolasa sustatzen dute sukalde hauek? Moda kontua bakarrik al da? Gurasook sortzailetasunari bide emateko aitzakia?

 Jarri zure nabigatzaileko bilatzailean “mud kitchen” eta ikusiko duzu nolako sukaldetxoak agertuko diren, sarean benetan ideia politak aurkitu daitezke.

 Baina sukaldetara jolasteko beharrezkoa al da horrelako sukalde bat. Haurren jolasari  begiratuz gero argi ikusiko dugu ezetz! Ontzitxo bat, lurra eta ura nahikoa dituzte  errezeta bikainenak sortzeko eta denbora luzean jolas sinbolikoan aritzeko.

Harearekin, lurrekin edo lokatzarekin jolastea beti da jarduera oso interesgarria.  Zentzumenak lantzeaz gain , ikaskuntza ugari ahalbidetzen ditu eta haurren osasunean ere eragin positiboa dauka. Baina onura horiek guztiak ez dira sukaldetxoetan jolasten duten haurrentzat  bakarrik, lurrez edo lokatzez egindako edozein jarduerarentzat baizik.

Zer du berezia sukaldari txikiak?

Oso nabaria da eta sukaldearen inguruan sortzen den jolasera begiratzea besterik ez dago jolas sinbolikoa  modu nabarmenean sustatzen dela, motrizitate fina, lankidetza … “Tierra en las manos” blogeko  egileak idatzitako post batean oinarritu gara  sukaldetxoen onura ezberdinak biltzeko.

1. Zuzeneko ingurune naturalarekin elkarreraginean aritzeko gonbidapena dira.

Kanpoko sukade txikiek  kanpoan eta naturako materialekin jolasten laguntzen dute, izenak berak adierazten duen bezala … sukalde horiek kanpoan daude.

Gurea bezalako gizarte teknologiko batean, kanpoaldean  denbora gehiago pasatzeko edozein aukera ideia bikaina da. Eta kanpoko sukalde txiki bat pizgarri bat izan daiteke sarriago kanpora ateratzeko eta aire zabalean egoteak dakartzan onurez gozatu ahal izateko, zeren eta, nahiz eta sukaldean jolasten  hasi … korrika, salto egin, inguruari begiratu, zomorroak aurkitu, etab egin dezakete.

Janaria prestatzeko, nahasteak egiteko edo naturako materialak biltzeko, haurrek ingurunearekin “nahitaez” elkarreragin behar izaten dute.

Ez da harea bezala, non bere hondarra behin eta berriz irristatzen, sukalde txikiak inguratzen duen natura deskubritzera gonbidatzen ditu haurrak, gero sukaldean prestatzeko, nahazteko, zikintzeko.

 Horrela, haurrek beren kabuz bilatuko dute non dauden  hondarra  edo lurra, belarraren bila joan beharko dute, moztu eta forma ezberdinak eman. Kroketak espagetiak ,…

2. Haurraren Etxeak  naturarekin bat egiten  du.

Kanpoko sukalde txiki  batek etxeko elementuak (sukaldekoak, zehazki) kanpora eramaten ditu. Horrela, etxe barruko elementuen eta kanpoaldeko elementuen,  (naturaren) arteko bat egitea  gertatzen da. Gaur egun erosotasunez betetako etxeetan bizi garen arren gure biologiak eta instintuak giro naturaletan garatzeko zain jarraitzen dute. Beraz, bi “etxeak” fusionatzea ideia interesgarria da.

Eta ideia hori kontuan hartuta, garrantzitsua da kanpoko sukaldeetan  elementu errealak erabiltzea, sukaldean aritzeko eta zerbitzatzeko denok etxean erabiltzen ditugunak. Haurrek elementu horiek jolasaren bitartez  ezagutzea polita da.

3. Haurrak sukaldean jolasteak etxeko sukalderako bidea ireki dezake.

Sukalde txiki bat  bere testuingurutik (etxetik) kanpo kokatzeak rolak lasaitzea  eragiten du.

Haur askok (“gizonezkoek”) ez dute jolasten etxe edo ikasgela barruko zaintza eta etxeko gune sinbolikoetan, baina, aldiz, testuingurua aldatuta, kanpoaldean  jolasteko aukera eskainiz gero  elementu naturalekin sukaldean jartzen dira. Jolas sinbolikora gerturatzen dira.