Irri Berri liburua aurkeztu dute aste honetan Zarauzko Garoa liburudendan. Katxiporretako pailazoak jazarpenari (bulling-ari) begira jarri dira eta ipuina eta material gehigarria argitaratu dituzte.

“Irri Berri” proiektuak ipuinaren eta musikaren bidez jazarpenaren prebentzioa eta elkarren arteko zaintza lantzen ditu, haur eta helduen artean gogoetarako eta hausnarketarako espazio bat sortuz. Aipatutako ipuin eta abestiaz gain, material pedagogiko gehigarria txertatu diogu QR batean.

Bertan, lehendik Borobilean diskoaren baitan sortutako materiala aurkitzeaz gain (bideoklipak, koreografiak, abestiak…), abestia xirulaz jo ahal izateko partitura eta abestiaren playbacka denon eskuragarri jarri ditugu, baita ipuinaren irakurketa eta lanketa sakonago bat ahalbidetuko duen “Familien eta hezitzaileen gida” bat ere. Baliabide honek, elkar zaintzaren garrantziaz hitz egiteko gune goxoak sortzea du helburu, bullingaren prebentzio lanetan; baita jazarpen kasuetan, helduei orientazio bide bat eskaintzea eta ipuinari beste begirada batetik begiratu eta aztertzeko bideak zabaltzea ere.

Hemen ikus dezakezue QRan txertatutakoa