Beti da garrantzitsua larrialdi egoeratan nola jokatu jakitea. 0 eta 6 urte bitarteko haurren larrialdietarako lehen sorospenen ikastaroa egin dute Aretxabaletan, Kukumiku guraso elkarteak antolatuta.

Iñaki Agiriano medikuaren eta Inma Escribano erizainaren laguntzaz antzeko egoeratan gurasoek izan ditzaketen zalantzak argitzen aritu dira.

Larrialdi egoerak

Iñaki Agiriano medikuaren esanetan larrienetakoa izaten da zerbait kontrako eztarritik joatea. Gero daude erredurak, sukarra, zauriak edo kolpeak. Urduritasunak erabaki okerrak hartzera eraman dezake. Beraz, garrantzitsua da lasai egotea. Egitekoen artean hainbat gomendio eman dituzte medikuak eta erizainak.

Gurasoek gustura jasotzen dituzten horrelako formakuntza saioak. Bide batez, Aretxabaletako Kukumiku elkartea hobeto ezagutzeko aukera izan dugu.