Alexandre Lacroix da gaur gomendatuko dugun liburuaren egilea eta Ronan Badel ilustratzailea Jesús Otzerinjauregi ekarri zuen euskarara eta Ibaizabal argitaletxeak kaleratu zuen 2018. Beti bezala galtzagorri elkarteko asteko liburu gomendiora jo dugu liburuaren iruzkina jasotzeko.

Fantasiazko ipuina da, tonu umoretsuan kontatuta. Strokkur dragoi txikia aitarekin bizi da. Handitzen hasi da eta aitak, dragoien irudi beldurgarriari eusteko, herrira joan eta etxe batzuk erretzeko agintzen dio. Semeak aitak esandakoari zentzurik hartzen ez dion arren, herrira abiatzen da. Herrian etxe bati su emateko prest dago, baina oztopoak baino ez ditu aurkitzen; izan ere, etxe horretan bertan bizi den mutikoarekin topo egingo du. Etxeko mutikoak bere etxeari su eman baino eskola erretzeko esaten dio; bertan, andereñoak eskolari sua eman beharrean dragoiak margotzen jartzen ditu guztiak. Hemendik, ibaiertzera joan eta etxola zahar bat sutan jarri orduko arrantzaleak bazkaltzera gonbidatzen du. Azkenean, dragoia etxera bueltatzen da. Enkargua beteko zuen? Aita konforme geratuko zen? Dragoiek beldurgarri izaten jarraituko dute? 

Marrazkiek ia orrialde osoa betetzen dute. Oso esanguratsuak dira. Informazio gehigarria erasten diote testuari eta gainera oso dibertigarriak dira. 

Istorioaren bukaera jakin nahi duzue? Bada, irakurri eta kontatu!

Beno, beste aukera bat ere eskainiko dizuegu gaurkoan. Txatxilipurdi elkarteko lagunek itxialdi garaian sortutako Txatxitelebista egitasmoan liburu honen irakurketa egin baitzuen Mali Juaristik.