Galtzagorri elkarteko asteroko liburu gomendioa dakarkigu gaurkoan. Martin eta bere itzala izeneko album ilustratua da aste honetan gomendatu digutena, Davide Cali da idazlea eta Serge Bloch Ilustratzailea.

Album ilustratu honek lagunak izatearen balioa azaleratzen du tonu umoretsuan. Martinek norbait aurkitu du etxeko sukaldean. Nor den galdetu dionean, ezezagunak bere itzala dela erantzun dio. Martinek ez du gustuko itzala lurrean itsatsita ez egotea eta hura desagerrarazten saiatuko da, baina alferrik. Horrelako itzala edukitzearen alderdi positiboaz jabetu denerako, desagertu zaio konpainia. Hurrengo egunean, etxeko komuneko ispiluan beste ezezagun bat azaldu zaio Martini, bere isla. Albumeko irudiek testuaren gaiarekin eta tonuarekin bat egiten dute. Marrazkiak lerro desberdinen konbinazioan oinarritzen dira, pilatutako lerroak, finak, lodiak … Irudiek umorea bilatzen dute eta adierazkorrak dira.

Liburua Koro Navarro-Rosettak itzuli du eta Harperkids da argitaletxea.