Indarrak batu eta hainbat udal liburutegik Neguko Gida kaleratu dute neguaren atarian, urtero bezala. Aramaio, Aretxabaleta, Arrasate, Bergara, Elgeta, Eskoriatza, Legazpi eta Oñatikoko udal liburutegiek landu dute, hain zuzen ere.

Aurten ere Helena Azkarragaurizar marrazkilariaren diseinua izan dute eta horrela, gida dotorea geratu da, erraz ezagutzeko modukoa.

Gidara hurbiltzen denak haur, gazte zein heldua izan liburu eta filmen zerrenda izango
du, adinka sailkatuta. Azken nobedadeetan arakatu ondoren, liburutegi horietan eskuragarri dauden 50 aukera aurkezten ditu Neguko Gidak.

Gidaren helburuak
Neguko gidaren helburu nagusiak hiru dira:

-Irakurzaletasuna piztea eta sustatzea: liburutegiko erabiltzaileak, bai haur, gazte edo baita
helduak ere, modu erregularrean irakurtzera bultzatzea, irakurketa plazer-iturri eta ohitura
aberasgarri bihurtuz.

-Irakurketa orientatzea: gida mapa edo iparrorratz gisa balio izatea, irakurleari literatura-
eskaintza handiaren aurrean laguntzeko, haren interes, maila edo helburuetara egokitzen
diren irakurketak iradokiz.

-Liburu eta genero berrien aurkikuntza sustatzea: irakurleari erakustea agian bere kabuz
aurkituko ez zituen egileak, gaiak edo testu motak (poesia, saiakera, komikia, eleberri
historikoa, etab.)

Gida aipatutako liburutegietan aurki daiteke, eta baita lotura honetan ere.