
2099. Urtean argitaratu zen Eider Eibarrek ilustratutako LO POTOLO. Liburuan hainbat idazlek, (Harkaitz Cano, Eider Eibar, Juan Kruz Igerabide, Leire Bilbao, Anjel Lertxundi, Miren Agur Meabe, Mitxel Murua, Patxi Zubizarreta eta Uxue Alberdik) idatzitako lotara joateko ipuinak batu zituzten. Bertsoak, prosa, ipuin motzak, luzeagoak… aurkitu genituen Lo Potoloren orrialdeetan. Ipuin ederrak ziren txikiei irakurtzeko lotara joan baino lehen.
Ipuinak entzuteko formatuan ere kaleratu zituzten eta orain GUAU plataforman ere aurkitu ditzakegu guztiak entzungai.

Gurasoek haurrek beste gozatuko duten liburu honetan, askotarikoak dira piezak, askotarikoak diren bezala lumak eta erregistroak. Liluratik pikardiara, jolasetik gogoetara, goxotasunetik irribarrera, edo algarara… Bidaia etengabea proposatzen dio LO POTOLO liburuak irakurtzen duenari eta entzuten duenari.
Gelaren argiantzean, eguneroko afanak itzaltzearekin batera mundu magikoak itzaletatik ateratzen hasten denean, lehen-lehen mailako idazleen istorioak paregabeko bidelagun dira ametsen erresumarako bidaian, marrazki fin jostarinen laguntza ezin hobearekin.
Baina ez bakarrik lotarako, edozein une da egoki eta aproposa haurrekin lehen irakurketaren gozamenean murgiltzeko, elkarrekin eta elkarri kontatuz letra eta marrazkiz osatutako historiak. Inork galtzerik ez duen bizipena baita edertasunarena.
Iruzkinik ez "Lo potolo"