Konfinamenduan bat baino gehiago aspertu egin da, baina Leintz Gatzagako Guraso Elkarteko hainbat familiek ondo aprobetxatu dute denbora. Eskuartean zuten proiektutxo bati fundamentuz heldu diote, eta auzolanean, herriko kaleak alaituko dituen ekimena jarri dute abian.

Askotariko tamainetako loreontziak erabilita irudi ederrak egin dituzte, zazpi guztira. Orain, izena jarri behar diete, eta hasi dira horretan ere… 

Neska-mutikoek gustura hartu dute ekimena eta binaka edo hirunaka antolatuta gertu dira loreontziak zaintzeko.