Etxean erditzea aukera bat da gaur egun. Gero eta emakume gehiagok aukeratzen dute, baina aukera garestia ere bada, ez baitago osasun sare publikoan txertatuta. Guk Magaleko emaginekin hitz egin dugu, aukera honen inguruan gehiago jakiteko eta beraien proiektua ezagutzeko.

-Nola, zergatik eta nortzuk  sortu zenuten Magale?

Magale Euskadin etxeko erditzeen egoera aldatu nahi zuten bi emagin ilusionatuen proiektua da. Horretarako, helburua zen etxean erditzea aukeratzen duten familiei eta emakumeei kalitatezko zerbitzu bat eskaintzea. Etxeko erditzea itzaletik atera eta jendartean eztabaida piztea nahi izan genuen, informazio erreala luzatuz eta mito faltsuak alboratuz. Azkenik, aukera hau gizarte segurantzaren barruan egoteko ere borroka egin nahi genuen, guztiontzako aukera izan dadin eta ez ekonomikoki gaitasuna duten familien aukera bakarrik.

 

 

 

 

 

 

 

 

 

 

 

 

 

 

 

-Urteak daramatzazue etxeko erditzeetan bidelagun izaten. Atzera begiratu eta zer datorkizue burura? Zein da sentsazioa?

Magale sortzeko urte hauek oso intentsuak eta gogorrak izan diren arren, bizipen magikoak eta benetan bizigarriak ere izan ditugu.

Ikusi dugu azken hiru urteetan guztiz aldatu dela etxeko erditzeen egoera. Jendarteak aukera ezagutzen du eta etxean erditzea benetako aukera moduan ikusten du. Ospitaleak gure proiektuarekiko interesa agertzen ari dira eta eskaera handituz doa.

Eusko Jaurlaritzarekin ere harremanak izan ditugu aukera hau gizarte segurantzaren barruan egon dadin, baina oraingoz ezinezkoa dela azaldu digute. Dena den, jendarteak eta profesionalek presio egiten jarraitzen badute uste dugu etorkizunean posible izango dela.

Datorren urtean Magale handitu egingo da eta bi emagin izatetik lau izatera pasatuko gara.

Bide horretan aurrerapausoak ematea askotan erraza izan ez arren, orain arte bidelagun izan gaituzten familien berotasunak,emaginen kolektiboakzein Erizain Eskolak eskainitako laguntzak eta bultzadak aurrera egiten lagundu digu. Emakumeen eta familien eskubideak babesten jarraituko dugu, nahi duten kasuetan etxean erditzeko aukera izan dezaten.

-Etxean edoospitalean… zein da erditzeko lekurik onena?

Ez dugu uste leku bat bestea baino hobea denik. Guretzat leku onena erditu behar den emakumea seguru sentituko den hori da; izan ere, erditzea ahalbidetzen duten hormonak piztu eta beraien eginkizuna betetzen uzteko modu egokiena da hori. Emakume batzuk segurtasun egoera hori ospitaleko testuinguruan aurkitzen dute, eta  beste batzuek etxean. Biak ala biak dira aukera errespetagarriak, noski.

-Oraindik beldurra diogu etxean erditzeari. Segurua ote den da, oraindik ere, ohiko galderetako bat.

Herrialde ezberdinetan eta poblazio oso handiaklagin hartuta egindako neurketek, ebidentzia zientifiko moduan hartzen dute, emagin profesionalek artatutako arrisku txikiko erditze planifikatuak ospitaleko erditzeak bezain seguruak direla. Etabehin eta berriz frogatu da hori.

Bigarren haurraren erditzean, gainera, etxeko erditzea ziurragoa izan daiteke. Medikalizazio ezak eta prozesuan ez eragiteak (uren poltsa modu artifizialean zulatu, epidurala ipini, erditzea bizkortzeko oxitozina artifiziala erabili…) zailtasunak ekiditen ditu.

Inork gehiago jakin nahiko balu, gure webgunean aurki ditzake ikerketa guzti horien emaitzak: www.magale.eus

 

-Osasun sistemak ezarritako bidetik aldentzea dakar etxean erditzeko erabakia hartzeak. Zer da irabaziko duguna?

Ez dugu uste sistematik kanpo egoteagatik ezer irabazten denik. Alderantziz, uste dugu etxean erditzearen aukera osasun sistema publikoaren barruan balegoeta instituzioen bermea izango balu, askoz jende gehiagok hartuko lukeela erabaki hori. Gainera, dirulaguntzak jasota.

Zoragarria litzake emakume askoz ere gehiagok izango lukeelako erditze ez medikalizatu baten hautua egiteko aukera.Erditzearen jabe izateko eta erditze eder eta suspergarri bat bizi izateko aukera, hain zuzen ere. Azken finean amatasunaren bidean erditzearen bitartez ahaldunduta hasteko.

-Mugak ere badaude. Noiz ezin da etxean erditu?

Baldintza batzuk bete behar dira etxean modu seguruan erditzeko. Haur bakar baten haurdunaldia izan behar da, ume hori buruz etorri behar da, erditzea haurdunaldiaren 37. eta 42. asteen barruan gertatu behar da, eta haurdunaldi guztia normaltasun baten barruan igaro izana ezinbestekoa da. Gainera, etxebizitzaasko jota ospitaletik 20-30 minutura egon behar da eta ezin da bertaratzeko arazorik egon.

-Nork hartzen du parte etxeko erditze batean? Zein da bakoitzaren rola?

Etxeko erditze batean erditzear den emakumeak nahi beste pertsona egon dira. Normalean emaginak egoten dira eta gure lana erditzea normaltasunez bideratzea izaten da, testuingurura egokitzea eta laguntza emozionala eskaintzea.

Bikote laguna dagoen kasuetan berak artatzen gaitu etxean eta berak ematen dio laguntza emozional nagusia erditzekoa den emakumeari. Batzuetan egiteko hori lagunen batek eta familiako beste pertsona batzuk hartzen dute.

-Beste herrialde batzuetan osasun sistemaren barruan dagoen aukera da. Zein da egoera Euskal Herrian?

Hasieran esan dugun moduan gaur egun aukera pribatua da. Horretan esklusiboki lan egiten dugunak Magale Gipuzkoan, eta Silvia Burgo Gasteizengara.

Etorkizunean egoera hori aldatzea nahiko genuke. Hau da, gero eta talde zein pertsona gehiago egotea aukera hori posible egingo dutenak. Diruz lagundutako aukera izatea ere gustatuko litzaiguke.

-Zerbitzu pribatua denez koste ekonomiko bat du etxean erditzeak. Zenbat diruri buruz ari gara?

Etxeko erditzearen kostua 2500eurokoa da. Prezio horren barruan daude haurdunaldian egiten diren lau bisitak, bost astezbi emagin 24 orduz lokalizatuta egotea, erditzearen bide-laguntza eta erditzea eta erditu ondorengo bi bisitak.

Eskerrik asko Guraso.eus egitasmoari gure egitasmoarekiko agertutako interesagatik eta animo zuen proiekturako ere.