Ikasketa prozesuan, ikusmena da zentzurik garrantzitsuenetakoa. 
Horregatik, ezinbestekoa da ikusmena estimulatzea, eta jolasaren bidez
egiten bada, askoz hobe!

Ikusmen-sarrerako trebetasunak (ikusmen-zorroztasuna, fokatzea, bi begien arteko koordinazioa eta begi mugimenduak) behar bezala garatzen badira, ume gehienek esperientziaren bidez hazten diren heinean prozesatzeko trebetasunak garatzen dituzte.

Ikusmena ez da begietan gertatzen, garunean baizik. Prozesu neurologiko bat da eta bertan garuneko hainbat eremuk parte hartzen dute. Garunak zentzumenek bidalitako informazioa antolatzen du: ikusmena, entzumena, usaimena, dastamena, ukimena, mugimendua, grabitatea eta posizioa. Zenbat eta esperientzia gehiago izan, orduan eta gehiago ikasi eta garatuko da gure garuna.

Ikusmen terapiako kontsultan, jokoekin lantzen ditugun ikusmen-trebetasunak hauek dira:

 

•        Ikusmen memoria: oso garrantzitsua da akats ortografikoak hobetzeko.

•        Trebetasun espazialak: letren eta zenbakien inbertsioekin, marrazketa eta geometriarekin lotuta dago.

•        3 dimentsioen pertzepzioa.

•    Begi-esku koordinazioa: idazketa hobetzeko.

•        Xehetasunak bereiztea eta hautematea: antzekoak diren hitzak bereiz ditzakegu eta testu batek koma edo puntuak dituen ikusi.

•        Azpi irudia: ezkutuko objektu bat aurkitzeko eta testu baten ideia nagusia ateratzeko gaitasuna.

•        Begien mugimenduak: irakurketa eraginkorraren oinarri dira eta arretarekin oso lotuta daude.

•        Fokatzeko gaitasuna:
urrutitik eta gertutik bizkor fokatzeko gaitasuna. Horrek arbeletik kopiatzeko eta testu bat gertutik ikusteko aukera ematen digu.

 

Hezkuntzaren eta terapien esparruan eta baita egunerokoan ere, gamifikazioa (jokoak) erabiltzeak onura handiak ditu.

Jolasak ikasketa garapenerako garrantzitsuak dira, gure burua eta autoestimua hobetzen laguntzen dute. Haurrei akatsak egiten utzi behar zaie eta akatsetik ikasten; horrek konturatu gabe pentsatzen laguntzen die. Era berean, narriadura kognitiboa edo memoria arazoak dituzten helduen garuna estimulatzen dute. Jolasak ez dira haurrentzat soilik.

Hona hemen mahai-jokoen abantaila batzuk:

  • Hizkuntza eta komunikazioa garatzen dituzte.
  • Soziabilizazioa eta lehiakortasuna hobetzen dituzte.
  • Arreta asko lantzen da.
  • Arazoak ebazten ikasten dute eta pentsamendu matematikoa 
    garatzen dute.
  • Psikomotrizitate fina eta begi-esku koordinazioa estimulatzen dira.
  • Behatzeko gaitasuna eta analisia lantzen dira.

Jolas bakoitzaren arauak moldatu daitezke egoera eta pertsona bakoitzaren beharretara.

Jarraian, mahai  joko batzuk proposatzen ditugu:

Zentzumen kutxa

Joko sentsoriala da, barruan dauden objektuak identifikatu behar dira ukimena erabiliz. Objektua ezagutu ondoren (edo horren berri sortzen dutenean), gainerako jokalariei deskribatu beharko die, zer den zehazki esan gabe.

Tangram

Pieza geometrikoen bidez irudien siluetak sortzen ditu. Ikusmenaren eta espazioaren pertzepzioa modu ludikoan landu daiteke.

Robot face

Bere marrazki eta sinboloen bidez, ikusmen diskriminazioa eta begi mugimenduak, kontzentrazioa, behaketa eta koloreen diskriminazioa lantzen ditugu. Arakatzeko gaitasuna eta erantzun-abiadura ere hobetzen ditu.

Jungle speed

Estimulatzen diren arloak, ikus-arreta, ikusmen-diskriminazioa, malgutasun kognitiboa dira, besteak beste.

Dig up!

Labirintoetatik igaro eta janaria hartzen lehena izan zaitez. Trebetasun desberdinak lantzen dira, hala nola espazialitatea, arreta, ikus-plangintza.

Dobble

Adimen eta ikusmen azkarreko mahai-joko bikaina da. Helburua bi kartaren arteko marrazki berdina aurkitzea da.

Chocolate Fix

Erronka joko indibiduala da. Arrazonamendu logikoa garatzeko ona.

Visual Panic

Joko azkarra, non ikusmen pertzepzioa, azpi-irudia eta ikusmen arreta suspertzen den.

 Roll&Play

Jolas dibertigarri honek arlo desberdinak estimulatzen ditu: sormena, hizkuntza, motrizitate gordina, koloreak, zenbakiak etab.

Multimatrix

Gaitasun bisual eta kognitibo desberdinak landu daitezke. Periferia, lateralitatea, begi-esku koordinazioa, fokatzea, azpi-irudia eta ikusmen itxiera…lantzeko ezin hobeak dira.

  Simon

 Memoria jolas klasikoa.

Colour code

Diskriminazioa, azpi-irudia eta espazio-trebetasunak lantzen dira, forma geometrikoetatik marrazki bat osatzeko.

Speed cups

Arreta, abiadura eta trebetasun espazialak beharrezkoak izango dira joko hau gainditzeko. Memoria sekuentziala ere landu dezakegu.

Cucu Tras

Joko honekin ikusmen memoria, diskriminazioa, arreta eta erantzun-abiadura gaitasunak garatzen dira.

Umeek pantailak gehiegi erabiltzean, bisualki prestatuta ez dauden ikusmen-estimulu batzuk emateaz gain, denbora kentzen die jolasteko eta mundua bizitzeko, ukituz eta bertatik mugituz, ondorioz ikasteko eta garatzeko aukera kentzen zaie.

“Jolastera animatzen zaituztegu!”