Iraila hasiera da, eskola laster hasiko da, eskolaz gaindiko jardueren eskaintza ere martxan da eta zurrunbiloan sartu gara, nahi gabe ere… haur batzuk ideiak garbi dituzte guraso batzuek ere bai, beste batzuek zalantzak…

Eskolaz gain, programatutako jarduera batzuk (edo asko) dituzte haurrek, eskolaz kanpoko eskolak, kirolak, musika, klase partikularrak eta programatutako beste erantzukizun batzuk barne hartzen dituztenak.


Hain lanpetuta egotea positiboa edo negatiboa den eztabaidatzeaz gain, gaur, beraientzat denbora uzten ez diegunean gertatzen den guztiari erreparatu nahi genioke, helduen esku-hartzerik eta bideratu gabeko denboraz gabiltza.


Jolasa eta neurozientzia


Sergio Pellisek, Kanadako Lethbridge Unibertsitateko ikertzaileak, oso ondo definitzen du. “Jolas libre eta espontaneoaren esperientziak garunaren kortex prefrontalaren konexio neuronalak aldatzen ditu, eta haurtzaroko aldaketa horiek dira garunaren kontrol exekutiboaren zentroa neuronalki konektatzen laguntzen dutenak. Kontrol exekutiboak funtsezko zeregina du emozioak erregulatzeko, planifikatzeko eta arazoak konpontzeko gaitasunean, eta, beraz, jolasa da garunak bizitzarako, maitasunerako eta ikaskuntzarako prestatzen duena. “

Jolas-jarduerak ez dira jolas libreak

Haur batek helduak bideratu gabe jolasten duenean, zenbait gauza gertatzen dira, eta ezinezkoa da gauza horiek entrenamendu edo jarduera gidatu batean gertatzea, bere arreta helduak egiten dituen proposamenei erantzutean baitago, beraz:

  • ·  Bere jarrera pasiboa da zer egin behar duen esatea itxaroten du
  • ·  Haurrak hartu behar dituen erabakiak oso bideratuak dira.
  • ·  Aspertzen bada, ardura ez da berea.
  • ·  Haurren arteko harremanak helduek bideratzen dituzte
  • ·  gatazken aurrean haurrek askotan helduengana jotzen dut

Haurrek, gutxienez 8 urte bete arte, egunean 1-2 ordu eman behar dituzte jolas librean; pantailarik gabe, entrenatzailerik gabe, epailerik gabe eta kanpoko araurik gabe.

Zer deritzozue? ados zaudete? nola kudeatzen dituzue eskolaz gaindiko jarduerak?