Badator abalantxaren azken txanpa! Gure seme alabei zuzendutako mezuek goia joko dute laster.  Guraso moduan kudeatzea zailak diren egoerak ere bizi ditzakegu garai hauetan, bakoitzak estrategia ezberdinak  erabiliko ditu hauei aurre egiteko.

Hizkuntzaren ikuspegitik ere, gutxi dira merkatu globalean argibideak euskaraz eskaintzen dituzten jolas eta mahai jolasak.  Kasu askotan jolasarekin dugun lehen harreman honek jolasaren hizkuntza ere baldintza dezake. Honegatik da eskertzekoa Euskal Herriko elkarte eta eragile ezberdinek euskaraz gozatzeko produktuak eta jolasak argitaratzen egiten duten lana.

2017an ere jarraitu dugu euskarazko azalpenen bideoak grabatu eta argitaratzen. Gaurkoan bost jolasen argibideak bildu ditugu.

Cucu tras

 

Lau urtetik gorakoentzako mahai jolasa da, eta bi eta sei jokalariren artean joka daiteke. Ez du konplikazio handirik eta jokalariek ondo begiratu behar dituzte kartak. Gazte zein heldu jolaserako baldintza antzerakoetan egongo dira.

 

Halli galli

 

Sei urtetik aurrerako bi eta sei jokalariren artean jolasteko mahai-jolasa da. Pagoagak gomendatzen du zenbakien eta kopuruen munduan murgiltzen hasteko modu dibertigarri eta bisuala eskaintzen duelako. Gozatu!

 

Arroxali

 

2-3 urtetik gorako neska-mutikoentzako moduko jolas kooperatiboa. Loreetako maitagarriaren jolasa da eta Arroxali ipini dio maitagarriari. Bi eta lau jokalari artean behar dira jolasean egiteko. Haur txikiekin formak eta koloreak bereizteko jolas gomendagarria da.

 

Equiibri

 

Oreka jolasa proposatzen digu oraingo honetan Olgeta jolaserako baliabide zerbitzuko Itsaso Pagoagak. Equilibry du izena eta bost urtetik aurrerako bi – lau jokalarirentzako da. Nork bere pultsua aproban jartzeko une atseginak igarotzeko jostailua polita.

Dragoaren Dorrea

 

Jostailuak ‘Dragoiaren dorrea’ du izena eta jolas kooperatiboa da. Bost urtetik gorako bi eta lau jokalari artean ibili daitezke batera.

Dorre handi batean gatibu dagoen laguna askatzeko neurriko eraikuntza egin behar dute parte-hartzaileek eta hori sokatik tira eginda dragoiak behera bota aurretik. Azalpen gehiago ondorengo bideoan!

 

 

Euskarazko azalpenen bideo gehiago hemen eta hemen