Aplikazioaz gozatzeko, derrigorrezkoa izango da paperezko liburua esku artean izatea.
Galtzagorri Elkarteak, Eusko Jaurlaritzako Hizkuntza Politikarako Sailburuordetzaren laguntzarekin, eta Oreka Interactive enpresarekin elkarlanean, XXI. mendeko euskarrietara ekarri du Euskarazko Haur Literaturako klasiko bat, Anjel Lertxundi eta Antton Olariagaren Maria Goikoak batbirulau! .
Jolaserako proposamen berriak eta errealitate areagotuan birsortutako irudiak biltzen ditu Maria Goikoak batbirulau! app berriak: puzzleak, memoria-jokoak, hitz-jokoak, 7 desberdintasunak bilatzeko jokoak, abestiak, 2.53D efektuko irudiak, eta bestelako hainbat joko. Androidetarako eta iphone/ipad-etarako bertsioan dohainik eskura daiteke bakoitzari dagokion saltoki birtualean.
Tradizioa eta modernitatea
Liburuko hainbat orrialde errealitate areagotuan ikusi ahal izateko, derrigorrezkoa izango da paperezko liburua esku artean izatea. Ondoren, nahikoa izango duzu Internet bidez Galtzagorri Elkartearen web gunera sartu eta bertan aurkituko duzun Maria Goikoak app-aren ikonoa klikatzea. Android eta iOS sistemetarako ikono bana aurkituko duzu bertan. Hortik, zuzenean Google Play edo Apple Store-ra helduko zara, eta bertatik dohainik deskargatu ahal izango duzu aplikazioa zure mugikorrera, tabletara edota ordenagailura.
Albistearen iturria eta argibide gehiago hemen