Zizurkilko Elbarrena auzoan Melo da jaietako ikur nagusia. Aurten ere ez da festarik ospatu Elbarrena auzoan, baina bi zizurkildarrek Pli-Pla! ipuina sortu dute non neska-mutikoek pertsonaiarekin bat egiteko aukera izango duten. Ekimen polita, benetan!

Izaro eta Iraitz Lizarraga dira sortzaileak. Testua Iraitzek egin du eta irudiak Izarorenak dira. Liburua aurkeztu berri dute jendaurrean.

Festa batzordeak egindako enkargua da ipuina, eta arrakasta polita izan du. Festen transmisioa du ardatz ipuinak.

Ipuinaren mila ale argitaratu dituzte eta 200 inguru herriko hiru ikastetxeetako 2-12 urte arteko ikasleen artean banatu dituzte. Beste 200 ale Udalak erosi ditu herrian erroldatzen diren herritarrei harrera egiterakoan oparitzeko. Gainerakoak, euro bateko prezioan jarri dituzte salgai.

Albistea Aiurri.eus.

Albistea Ataria.eus.