Beasaingo Ttiklik elkartean egindako tailerrean izan zen Amaia Fernandez elkarrizketatu dugu.

Captura de pantalla 2015-03-18 a las 12.30.44

Hogei orduko tailerrak dira eta gehienbat hezitzaileei zuzenduak. Fernandezek adierazi digunez “oso interesgarria eta aberasgarria” izan da Montessori pedagogiara eta metodologiara gerturatzea.

 


Maria Montessori

Maria Montessori Italian jaio zen 1870. urtean. Emakume oso berezia izan zen. Medikuntza ikasketak egin zituen unibertsitatean eta Italiako lehen emakumea izan zen unibertsitatean sartzen. Zailtasun ugari izan zituen, baina psikiatrian espezializatzea lortu zuen. Psikiatriko bateko haurrekin eman zituen lehen urratsak emaitza oso interesgarriak lortuz.

Horrela abiatu zen bere ikerketa lana. Behaketatik abiatuta eta psikologia esperimentalean oinarrituta pedagogia zientifiko bat garatu zuen eta Montessori eskolak sortu zituen. Europa guztira hedatu ziren. Italian itxi egin zituzten Mussolinik, eta Alemanian Hitlerrek.

Montessori metodologia

Umeek errespetua barneratzea zen Montessori metodologiaren helburu nagusia eta abiapuntua umeenkiko konfiantza, oso berritzailea garai haietarako. Montessorik ez du mutilen eta nesken arteko desberdintasunik egiten eta eskaintza berdina egiten die denei. Hau ere oso berritzailea urte haietarako. “Montessorik ikusi, frogatu eta erakutsi zuen haurraren ingurunea modu egoki batean prestatuta baldin badago haurrak gai direla modu autonomo batean ikasteko”, azaltzen du Amaia Fernandezek.

Metodologia honetan txokoka edo “ambientes” espazioko antolatzen da eskola, eta Montessorik umearen sentsibilitate uneak deskubritu zituen. Hala, defendatu zuen umeek badituztela intereseko gaiak une jakin batzuetan eta interes hori bultzatzen saiatu behar duela hezitzaileak une horretan materiala egokia eskainiz. Bere interesetik abiatutako ikasten duela umeak bai irakurtzen, bai matematika, bai kultura orokorreko kontzeptuak. “Kanpo espazioa ere txoko bat da Montessori metodologian. Ez dago patio ordurik eta umeak nahi dutenean sartzen/ateratzen dira ikasgelatik kanpora. Eta garrantzia handia du ortuak edo animaliak egotea eta horrekin lotuta dagoen zainketa guztiak”, dio Fernandezek. “Zentzumenen bidez ikasten dute Montessori eskoletan”.

Montessori metodologiaren inguruko mintegi gehiago egingo dituzte hurrengo hilabeteetan Euskal Herrian, tartean Iruñan, Gasteizen, Donostian edo Bilbon. Informazio gehiago hemen.

Maria Montessoriren inguruko pelikula ere egin zuten Italian 2007. urtean. Maria Montessori, una vida dedicada a los niños du izena.

Elkarrizketa osoa entzuteko aukera hemen

Argazkiaren iturria hemen.