Gaixotasun Arraroen Nazioarteko Eguna izan zen atzo. Kalkulatzen da mundu mailan zazpi bat mila gaixotasun arraro daudela. Arraroak dira proportzioan pertsona gutxik pairatzen dituztelako, eta askotan ez dutelako izenik, ikerketa ere gutxi egiten delako… Halako egoeratan dauden gaixoek eta familiek ahalegin handia egin behar izaten dute beraien egoera eta premiak ikusarazteko. Nerea Godoy, SanFilippo elkarteko boluntarioa da. Bizipoza elkarteko talde eragileko kidea ere bada.