Nola babestu behar gara eguzki izpiengandik? badakigu nola egin behar dugun? jendartean desinformazioa eta mito faltsuak daudela uste du  serpadres webguneak. Ricardo Ruiz nazioarteko klinika dermatologikoko zuzendariak  eta azaleko kantzerrean aditua den Pedro Rodríguez dermatologoek azalpenak eman dituzte beraien webgunean.

Eguzki izpiek eguzkia hartzeko etzaten garenean bakarrik kalte egiten dutela ustea oso hedatua dagoen ustea da, baina okerra. Paseatzen edo kirola egiten gaudenean ere  arriskuan gaude. Adituek diote berdin dela zein motatako jarduera izan kaltea berdina da.

Bestalde, jende askok uste duenaren kontrara, egun lainotsuetan ere eguzki izpiengandik babestu beharra dugu, egun eguzkitsu batean dugun erradiazio ultramorearen %80 izaten dugu egun lainotsuetan.Medikuek dote haizeak edo haize leunak ez dutela gure azala ilunarazten, bero sentsazioa jaistean erretzeko arriskua handitu egiten dutela baizik.

Jendartearen zati batek uste du 12:00aurretik eguzkiak ez duela erretzen. Uste hau guztiz okerra da. Eguzki erradiazioa badago kaltea berdin berdina da.

Pertsona batzuek ez dute eguzki izpien babeserako kremarik ematen hauen osagai kimikoak odolera pasa gorputzean geldituko direlakoan. Krema asko emandakoan hauek duten osagai batzuk odolean aurkitu izan diren arren, ez dago hauek kaltegarriak izan daitezkeela frogatzen  duten ebidentziarik. Krema hauek azaleko kantzerra garatzeko arriskua gutsitzen dute.

Ba al dago water proof  eta water resistant terminoan artean ezberdintasunik?  Bai. Bi ezaugarri hauek dituzten kremak uretan eguzki izpiengandik babesten gaituzten arren, babes honen denbora kontutan izan behar dugu.

water proof 80 minutuz babesen du gure azala

water resistant 40 minutuz babesten du gure azala

Badaude ikerketak frogatzen dutenak eguzkiaren izpiengandik babesteko kremak D bitamina  gutxitzen dutela. Baina gutxitze hau ez da esanguratsua eta azaleko kantzerrarengandik babeste lehenesten da.

            Jende askok uste du “moreno” egotea osasungarria dela, melaninak gure azala babesten duelako.  Hau ez da egia, UV-B erradiazioa jasotzen dugunean melanozitoa bizitzen dugu, melanina ekoizten duen eta gure azalari kolorea ematen dion  zelula. Beraz “moreno” egoteak, gure azalak jada  erradiazio ultramorea jasan duela esan nahi du.

Zer egin behar dugu? Inoiz ez al dugu eguzkia hartu behar? Sendagileen aburuz erantzuna garbia da.  Erredurarik gabeko eta modu orekatuan hartutako eguzki izpiek on egingo digute. D bitamina jasotzeko modurik egokiena da eguzkia, bizitzan zehar asko zigortu ez ditugun gorputzeko ataletan egunean 10 minutuz babesik gabe eguzkia hartzea gomendagarria  da.

50eko babesgarri batekin guztiz babestuak gaudela ustea ere okerra da. Ez dago guztiz babestuko gaituen kremarik,. Honegatik krema emateaz gain zentzuz jokatu behar dugu eguzkia hartzerakoan.

Izpiengandik babesten gaituzten krema batzuk toxikoak izan daitezke eta ondorio ekologikoak izan ditzakete itsasoan. Hori bai merkatuan badira kalterik egiten ez dutela ziurtatzen duten krema eta babesleak.

Askok uste dute 30eko krema bat emanaz gero “moreno” jartzeko aukera gehiago ditugula 50eko babesa duen krema bat ematean baino. Hau ez da zuzena. 15etik gorako babes kremen artean ezberdintasuna oso txikia da.  30eko kremek %96,7rainoko babesa eskaintzen dute, 50eko babesa dutenek %98rainokoa.

Jendeak uste duenaren kontrara, hobe da babes gutxiagoko krema bat askotan ematea babes handikoa gutxitan ematea baino.

Adi! Babeserako krema hauek 20 minutu behar dute gure azala babesteko, honegatik da gomendagarria krema etxetik irteterako ematea.

100eko krema merkatuko onena dela pentsa dezakegun arren, %1eko babes gehiago eskainiko digu 50 ko batekiko.

Zenbat krema eman behar dugu? pixka bat eman eta egun osoa babestuta egongo garela uste izatea ez da zuzena. Adi! pertsona heldu batek 25 mililitro beharko lituzke bere gorputzaren %75 babesteko. 2 ordutik behin eman behar izanez gero 50 mililitro beharko lituzke egunero.