Ohiko galdera da. Haurrak jaio eta berehala eskaintzen  dizkigu merkatuak oinetako txiki politak. Oraindik hanka lurrean jartzeko gai ez diren  txikiei oinak babesteko, goxatzeko. Baina ona al da babes hau?

2007.  urtean  Isabel Gentil García izeneko Madrileko  unibertsitate complutenseko  irakasleak ikerketa bat argitaratu zuen: oinutsik dauden haurrak, haur inteligenteak. “Podología preventiva: niños descalzos igual a niños más inteligentes”.

Ikerketa honetan sakon aztertu zuen gaia eta argi adierazi haurrek oinetatik informazio garrantzitsua eskuratzen dutela txikitan. 8-9 hilabete baino txikiagoak diren haurren oinek eskuek baino sentsibilitate handiagoa dute  garapen neurologikoaren ikuspegitik. Bestalde oinek espazioan kokatzeko eta mugimenduaren bitartez jasotzen duten informazioa ere garrantzitsuak omen dira.

Gure haurren oin bakoitzean 26 hezur,33 artikulazio eta 100 lotura eta tendoi daude. Edozein azaleratan ibiltzeko  sortutako oinak ditugu eta guk txikitatik kamusten ditugu. Lurrarekin kontaktua galdu dugu eta gure oinak horren isla dira.

Askotan  gurasook hotzaren beldurrez,  eta  haurra ez gaixotzeko jartzen dizkiegu oinetakoak seme alabei. Baian gaixotu al daiteke oinetatik?  Birusak ez dira oinetatik sartzen ez zaizkigu haurrak gaixotuko oinutsik ibiltzearren!

Beraz, ulertu dezagun gure txikiek zapatilak kentzeko duten joera hori, txikitan oinak ahora eramateko duten  joera xelebrea, edozein lekutan zapatilak kendu ta oinutsik ibiltzekoa, agian guk baino gehiago dakite eta…

1366_2000

 

 

 

 

 

 

 

 

 

 

 

Argazkiaren iturria:

Informazio gehiago