Elkarrekin, gizarte arloko emakume profesionalez osatua dagoen irabazi asmorik gabeko kooperatiba bat da. Gizarte arloko ikerketan lan egiten du eta kolektibo desberdinekin gizarte inklusio eremuan esku-hartze eta sentsibilizazio proiektuak diseinatu eta martxan jartzen ditu. Hala nola, pertsona emigratuekin, gizarte bazterkeria arriskuan daudenekin, adin txikikoekin, genero eremuan…

Momentu honetan, esku-hartze eta formakuntzarako proiektu desberdinak ditu abian, horien artean “Ongi etorri eskolara” proiektua.

“Ongi etorri eskolara” proiektua, Gipuzkoako 16 lehen mailako irakaskuntza ikastetxetan aurrera eramaten da. Eskola eta komunitate inklusibo bateruntz bidea eginez, kulturarteko eredu pedagogikoa abian jartzeko akonpainamendu lana egiten du, ikasleri osoaren aukera berdintasunerako funtsezko gakoa euskara dela kontuan harturik.

Hau helburu duela, esku-hartze desberdinak aurrera eramaten ditu, irakasle, ikasle eta gehien bat “familia laguna” programaren bidez, familiekin. “Familia laguna” programan gertutasunezko erlazioen bidez, gizarte eta hezkuntza mailako akonpainamendua lantzen da, herrialde desberdinetatik Gipuzkoara migratu duten familiak eta hauen seme alaben adin tarte berean seme alabak dituzten euskaldun familiak kontaktuan jarriz.

2019-20 ikasturtean Donostia, Zarautz, Andoain eta Ordiziako 234 familia ari dira programan parte hartzen, akonpainamendu eta elkar ezagutzarako baliagarri diren erlazioak eraikiz.

Gipuzkoako bizikidetzaren alde eginez, 57 elkarte eta erakundek kolaborazio desberdinen bidez programan parte hartzen dute.

Kooperatibaren proiektuen inguruko informazio guztia hemen.

Argazkiaren iturria hemen.