Iazko jardunaldiei jarraipena emanez, Ongi etorri euskararen mundura. II. Harrera jardunaldiak egingo dituzte aurten ere. Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan antolatutakoak, ekainaren 5ean eta 6an izango dira Bilboko Arrupe Etxean.

Antolatzaileek adierazi dute bi helburu dituztela: hizkuntza harrerari buruzko ezagutza ekoiztea, eta, ezagutza horretatik abiatuta, harrera protokolo egokiak diseinatzea erakunde eta eragileen aldetik esku-hartze egokiak bideratzeko. 

Jardunaldiak doakoak izango dira, eta beharrezkoa da izena ematea www.kontseilua.eus webgunean, ekainaren 2rako. Arduradun politikoei, euskara eta migrazio teknikariei, hezitzaileei eta gizarte mugimenduetako kideei zuzenduta daude jardunaldiak. 

Egitaraua hemen.

Argazkian: Aitor Aldasoro Eusko Jaurlaritzaren Hizkuntza Politikarako sailburuordea, Idurre Eskisabel Euskalgintzaren Kontseiluko idazkari nagusia, Sonia Rodriguez Eusko Jaurlaritzako Hizkuntza Ikerketa eta Koordinaziorako zuzendaria, eta Aize Otaño Euskalgintzaren Kontseiluko lehendakaria.