Seme-alaba gaixo (Covida duelako edo dena delakoagatik) izateak gurasoentzat eragiten dituen kezka eta zailtasunak guraso askok nabaritu ditugu, lana eta zaintza uztartzerako orduan,

Atzo epai judizial baen berri izan dugu komunikabideetan, eta horrek aurrekaria izan dezake haur bat konfinatu behar denean oporrak hartzeko edo lanaldia murrizteko aukera soilik ematen zaien langile guztientzat.


Kasua Logroñon gertatu da. Bertan, aita batek 14 urteko semea zaindu behar izan zuen bost egunez, koronabirusagatik positibo eman zuelako. Berak laguntzaile judizial gisa lan egiten du eta ezinezkoa zaio hau modu telematikoan egitea.


Justizia Administrazioak baimena ukatu zion, langileak hartu gabeko opor-egunak zituela argudiatuz, eta, beraz, bost egun horiek atsedenalditik kentzea erabaki zuen.
Kasuaren berri izan zuenean, CSIF Funtzionarioen Sindikatuak Errioxako Justizia Administrazioaren aurkako demanda jarri zuen, funtzionario horren ordezkari gisa.

Abenduaren 17an, Epaitegiak epaia eman zuen, eta epai horren arabera, bere semea zaintzea ezin da langileak “bere gauzetarako” edo oporretarako eskubidea duen egunen barruan, “Eta diskriminazioa izango litzateke jada oiporrak agortu dituzten beste langile batzuekiko”.
Epaia ez da errekurritu eta aurrekaria sor dezake. Horrelako egoerei aurre egiteko nahitaezko betebeharra aitortzea urrats garrantzitsua izan daiteke.