Eusko Jaurlaritzak kudeatutako Zineuskadi egitasmoak Pixkanaka-pixkanaka bi urtetik aurrerako haurrentzako sei film laburreko bilduma aurkeztu du. Hitzik gabeko edo euskarara bikoiztutako animaziozko lanak dira, eta asteburuan helduko dira Euskal Herriko hainbat zinematara.

cartel-rlfilms-final

Jose Miguel Ribeiroren Dodu, kartoizko mutikoa (Portugal, 2005); Utzi Geffenblad eta Lotta Geffenbladen Pikart eta orban zirkuan (Suedia, 2013), Aston eta harriak (Suedia, 2007), eta Abertxikoak (Suedia, 1996); Frits Stnadaerten Zurrumurruak (Belgika eta Frantzia, 2011); eta Jutta Sch√ľnemannen Ilargi jaitsiz (Alemania, 2004) film laburrek osatzen dute Pixkanaka-pixkanaka bilduma. Besteak beste, itsasoan bizi den kartoizko mutiko baten, ilargira heldu nahi duen gaztetxoaren eta zarata berezi bategatik ikaratuta bizi den animalia talde baten abenturak kontatzen dituzte lanek. Erdia ahotsik gabeko filmak dira, eta beste erdia euskarara bikoiztuta daude.

Portugalen ekoitzitako proiektuaren helburua adin txikiko haurrentzako eskaintza zinematografiko urria aberasten laguntzea da. Izan ere, Belgikan edota Suedian ohikoa den arren, gurean zaila da familia-giroko filmak areto komertzialetan topatzea.

Pixkanaka-pixkanaka Zineuskadi egitasmoari esker ekarri dute euskarara, eta asteburutik aurrera Euskal Herriko hainbat zinemetan izango da ikusgai, tartean, Donostiako Principe zinemetan.

Albistearen iturria

Argazkiaren iturria